KALIBO, AKlan—Uman nga nagpanawagan it kooperasyon si Malay mayor Frolibar Bautista sa publiko nga haeungan ag alagaan ro isla it Boracay.
Suno sa alkalde nga tuyo kara nga mapabilin ro kalimpyo ag kaayusan sa isla.
Ro pahayag hay kasunod it ginpatigayon nga monthly flag raising ceremony kaina it agahon it Lunes kaibahan ro mga empleyado it nagkaeain-eain nga ahensiya ag department it lokal nga gobyerno it Malay.
Ro panawagan hay kadungan sa pagkilaea sa Boracay bilang sambilog sa best island destination sa bilog nga kalibutan it travel + leisure magazine.
Sa nasambit nga event, ginpabugae man it alkalde ro mabahoe nga pagbag-o partikular ro kalimpyo sa Bolabog beach ukon back beach.
Nasayuran nga kaeabanan sa mga aktibidad makaron it mga turista hay ginapatigayon sa back beach bangud sa habagat.
Nauna eon nga ginbansagan ni dating pangueong Rodrigo Duterte ro bolabog beach bilang cessfull bangud sa nagakalhit nga mga basura ag tubo nga may naga-ilig nga mahigku nga tubi paagto sa baybay.
Raya man ro rason kon ham-an nga ginpasarado ro isla sa sueod it 6 nga buean agud nga ipaidaeum sa paglimpyo ag rehabilitasyon.
