KALIBO, Aklan—Nagahueat eon lang it pag-apruba it provincial government, Department of Tourism ag National Inter-Agency Task Force ro lokal nga gobyerno it Malay ag mga stakeholders may kaangtanan sa andang hinyu nga pasugtan ro paggamit it mga turista it COVID-19 saliva test agud nga makabakasyon sa isla it Boracay.
Suno kay Malay Municipal Tourism Officer Felix Delos Santos nga nauna eon nga nagpasa it Resolution No. 6 Series of 2021 ko February 10, 2021 si Malay mayor Frolibar Bautista nga naga endorse sa pagbaton it Red Cross’ RT-PCR para sa mga Boracay tourists.
Mag-eowas suno kana nga mataas man ro anang efficacy rate hay mas mura pa raya kumpara sa Reverse Transcription Polymerase Chain Reaction (RT-PCR) test.
Mas madasig man sigon nga masayuran ro resulta it saliva test, kun sa siin sa sueod it tatlo hasta ap-at nga oras hay may resulta eon kumpara sa 24 oras nga paghueat sa swab test.
