KALIBO, Aklan —- Nagpaguwa eon it pahayag ro lokal nga gobyerno it Malay, kasunod it pag-eampas sa limit it mga turistang nagbisita sa Boracay ko Semana Santa.
Raya hay matapos nga magpangayo it paathag ro Department of Tourism (DOT) sa natabu nga posible sigon nga magtuga it surge it COVID-19 cases.
Suno kay Malay Acting Mayor Frolibar Bautista, owa man nanda ginaeauman ro gulping pagbuhos it mga turista partikular ko Huwebes Santo ag Biyernes Santo, matapos ro haeos daywang dag-on nga hugut nga restriksyon.
Nasayuran nga halin sa mandatong kapasidad nga 19,000, sumaka sa 21,252 ag 22,519 ro mga turistang nagbisita sa Boracay ko April 14 ag 15.
Nagapabilin nga una sa Alert Level 1 ro Aklan hasta sa Abril 30 rason nga mas haeuga ro mga ginapatuman nga restrictions.
