KALIBO, Aklan–Nagpagguwa it sangka advisory ro lokal nga gobyerno it Malay bilang pagklaro sa nagguwa nga tiktok video angot sa gina-alegar nga “mini outbreak” it COVID-19 sa isla it Boracay.
Raya hay matapos nga magkalhit sa social media ro tiktok video nga may username nga adycots kung siin ginapahayag nga may “mini outbreak” it COVID-19 sa bantog nga isla.
Base sa uploaded video, plano kunta daywang ka mga persona nga magbakasyon sa Boracay apang naipaiway bangud sa pagkabaeaka nga matapnan it virus.
Ginasugid nga pila sa andang kaabyanan nga nauna eon nga nagbakasyon sa isla hay nag-posistibo sa COVID-19 rason nga ginpakamayad sigon nanda nga indi eon magpadayun.
May kaangtanan kara, nakabaehag sa advisory it LGU-Malay nga daywa eamang ro aktibong kaso it COVID-19 sa bilog nga banwa.
Ro nasambit nga record hay halin sa MHO-Malay as of June 12, 2022.
