KALIBO, Aklan—Nagpaguwa it advisory ro local government unit ukon LGU-Malay angot sa nagakalhit nga pekeng litrato it Executive Order No. 031 nga nagahambae nga ro mga Aklanon workers nga nagabalik sa isla it Boracay hay kinahang-ean nga magpresentar it negatibong resulta it antigen test.
Nagpaandam man ro lokal nga gobyerno it banwa sa publiko nga usisaon it mayad ro mga impormasyon antes raya nga ipakalhit sa social media.
Dugang pa kara nga ro LGU hay nagapaguwa eamang it anunsiyo sa andang opisyal nga facebook page.
Madumduman nga nauna eun nga ginklaro ni Malay Municipal Tourism Officer Felix Delos Santos sa Bombo Radyo Kalibo nga ro pag-required it negatibong resulta it antigen test para sa mga nagasueod nga trabahador sa Boracay hay sangka proposal pa eamang ag bukon pa it aprubado ukon owa pa it layi nga nagasugo para sa proper implementation.
