KALIBO, Aklan – – – Pabor ro LGU-Malay nga ipaidaeum sa state of calamity ro isla it Boracay.
Suno kay Mr. Rowen Aguirre, Executive Assistant to the Mayor ng LGU-Malay, raya hay agud mas mapadali ro pagpagowa it pondo nga pagagamiton sa mga proyektong kinahangeanon agud masolusyunan ro mga environmental ag sanitary problems sa isla.
SUno kay Aguirre nga may una eon sandang nabaton nga impormasyon hanungod sa posibleng deklarasyon it pangueo.
Sa pihak nga parte, may disadvantage sigon raya bangud posibling makaangkon it saeang interpretasyon ro mga turistang nagabisita sa Boracay.
Engkasong indi raya mapugngan, panipuslan eon lang nanda ro nasambitang oportunidad agud mas mapadasig ro ang pagpondo sa mga imprastrakturang
kinahangeanon.
Madumduman nga gin pahayag ni Pangueong Rodrigo Duterte nga kinahangeang ipaidaeum ro isla it Boracay sa state of calamity bangud sa gina pangatubang karang problema.
