KALIBO, Aklan—Padayun pa ro pagbaeay it lokal nga gobyerno it Malay angot sa igapatigayun nga Boracay version it Ati-atihan festival sa maabot nga Enero 2021.
Suno kay Mr. Felix Delos Santos it Malay Toursim Office nga nagpatigayun sanda it committee hearing, adlaw it Miyerkules agud nga maistoryahan ro magiging preparasyon sa Ati-aithan sa isla.
Suno kana, kada ikaywang Dominggo it Enero ginapatigayun ro selebrasyon it ati-atihan sa Boracay.
Apang, bangud sa pandemya hay owa sigon it paga-eauman nga mabahuean nga event.
Ginpahayag dugang nga padayun pa ro andang pag-estudyo kung alin nga mga tikang ro andang pagahimuon agud nga maging madinaeag-on ro selebrasyon it dag-unan nga festival ag malikawan ro pagkalhit it deadly virus sa mga residente ag turista.
