KALIBO,Aklan– Bangud sa ginaeauman nga pagbuhos it mga domestic tourists ag mga residente nga magapaligos sa baybay, todo ro preparasyon nga ginahimo makaron it lokal nga gobyerno it Malay sa selebrasyon it kapistahan ni San Juan de Bautista sa Hunyo 24.
Suno kay Malay Tourism Office head Felix Delos Santos nga kasunod it haeos daywang dag-on nga pagpanaeasa it COVID-19 pandemic, ginaeauman nga maabu ro magapatigayon it excursion.
Naka alerto eon man suno kana ro malay municipal police station agud nga masiguro ro seguridad sa raya nga okasyon.
May igapakalhit nga mga kapulisan sa mga matawong lugar agud nga taw-an it seguridad ro mga residente nga nagaselebrar kamana man ro mga nagabakasyon.
Bangud sa tradisyon , ro mga Malaynons ag Boracaynons hay nagaselebrar gid it ‘San Juan’ kada dag-on pinaagi sa pagpaligos sa baybay.
Sa kamatuoran , ginpahayag ni Delos Santos nga bilang kaparte it selebrasyon hay nagapatigayon it beach acitivities kapareho it karera it baroto ro mga taga sitio angol nga ginabantayan it mga pumueuyu .