Kalibo Aklan———–Haom eun ro burial ground it banwa it Malinao para butangan it mga pasyenteng nagakamatay bangud sa coronavirus disease ( COVID-19).
Suno kay Malinao Mayor Josephine Iquiña nga matapos magpaguwa it advisory si Aklan Governor Florencio Miraflores nga nagamando sa mga Municipal Mayor nga magtaeana it lugar nga pagabutangan it andang COVID deaths hay napagdesisyunan eun nanda nga igahamyang sa andang Municipal cemetery ro mga binawian it andang hueam nga kabuhi bangud sa deadly virus.
Dugang pa kara nga nag-umpisa eun sigon sanda nga magkotkot agud nga masiguro nga may nakapahaom eun nga pagabutangan.
Nauna kara, ginpamalibaran it sangka crematorium facility sa siyudad it Iloilo ro pagbatun it mga ginapa-cremate nga cadaver sa bilog nga Panay Island bangud punuan eun ro andang pasilidad.
