KALIBO, Aklan—Suportado it lokal nga gobyerno it Nabas ro Department of Education ukon DepEd-Aklan sa ginkasa nanda nga limitadong face-to-face classes sa Nobyembre 15 matapos nga maeakip ro Laserna Integrated School sa listahan it tatlong eskwelahan sa bilog nga Western Visayas ag haeos 100 nga iba pa sa bilog nga Pilipinas nga magapasakop sa pilot implementation kara.
Suno kay Nabas mayor James Solanoy, kaibahan ro mga ginikanan hay ginpasugtan nanda ro andang mga estudyante nga magpasakop sa face to face classes.
Mag-eowas kara, nakapasa sigon ro eskwelahan sa evaluation it DepEd ag Department of Health nga masiguro ro kaeowasan it tanan kontra sa pagtaeapnan it Covid-19.
Gindugang pa ni Mayor Solanoy nga mabuhay nga tiempo eon ro andang preparasyon rason nga mahambae nga haeos syento porsiyento eon ro andang kahauman.
Ginpasiguro man nana nga sa Lunes hay pagasaksihan nana ro pilot implementation it limited face to face classes nga pagapasakupan it kindergarten ag grade 1 hasta grade 3 nga mga learners.
