KALIBO, Aklan–Nagpatigayon it water sampling ro lokal nga gobyerno it New Washington kaibahan ro Bureau of Fisheries and Aquatic Resources ag ro mga empleyado it Municipal Agricultural Office sa mga kasubaan nga naapektuhan it oil spill.
Ginaeauman nga mabaton ro resulta it water sampling sa sueod it tatlong adlaw./
Ginhimo ro nasambit nga tikang agud nga masiguro kon eowas eon ro kasubaan sa nagkalhit nga oil spill maghalin sa lube oil nga tumagas sa ginakalakal nga power barge sa mismong bisinidad it Metallica shipyard sa Brgy. Polo, New Washington.
Nauna eon nga nagpaguwa it executive order si New Washington mayor Jessica Panambo agud nga temporaryong ibawae ro pagpangisda sa palibot it Lagatik River ag sa mga kaiping nga kasitiohan hasta sa inde masiguro nga eowas eon ro nasambit nga lugar maghalin sa oil spill.
Nasayuran nga nacontain eon ro langis matapos nga naghimo it tikang ro mga natungdan sa bulig it Philippine Coast Guard ag iba pang ahensya it gobyerno ag mga volunteers.
