KALIBO, Aklan–Gin-umpisahan eon it Municipal Engineering Office it New Washington ro paghakot sa nagtambak nga mga basura sa pabaeay it National Housing Authority sa bahin it Brgy. Jugas.
Suno kay Engr. Mickel Boy Regalado, Municipal Engineer it LGU-New Washington nga daywang ka mga dump truck ro andang gingamit sa paghakot it mga basura paadto sa control dumpsite sa Brgy. Polo.
Aminado si Engr. Regalado nga owa pa sanda it kaugalingon nga garbage truck rason nga nagarenta ukon nagapangontrata eamang sanda.
Apang, nag-alokar eon man sigon si Mayor Jessica Panambo it pondo makaron nga dag-on para sa pagpurchase it garbage truck.
Ginpasiguro man kara nga matapos nanda it paghakot ro mga basura sa pabaeay makaron nga adlaw.
Samtang, nag-apela man raya sa mga pumueoyo nga magpatigayun it proper segregation it mga basura agud mas madasig ro proseso.
