KALIBO, Aklan—Nagpaandam ro lokal nga gobyerno it New Washington sa nagakalhit nga scam kun sa siin may nagagamit sa pangaean ni Mayor Shimonette Peralta-Francisco agud nga maka-order it pagkaon.
Suno kay Mayor Francisco nga ro nasambit nga modus hay nagapangbiktima it mga food establishment.
Ginpamilit it alkalde nga bukon nana raya it hilimuon ag pwedeng magtawag anay sa anang taeatapan agud nga makumpirma kon matuod ro mga order nga nababaton sa telepono.
Ginpahayag dugang nga ro nasambit nga hilimuon hay bukon it makatawo ag kabaton-baton eabi eon makaron it pandemya.
Nasayuran nga mag-eowas kay mayor francisco, ginagamit man it mga scammer ro pangaean ni SB member Gerry Andrade kun sa siin ginasugid nga nagapa-load pa raya it 1,000 pesos sa establisimento nga gin-orderan it pagkaon.
Samtang, indi pa nanda matumod kon may eamod pamulitika ro insidente.
