KALIBO, Aklan—Ginpaathag it lokal nga gobyerno it Numancia nga magabaton sanda it mga “walk in” nga gustong magpabakuna kontra COVID-19.
Ginklaro it Municipal Health Office (MHO)-Numancia nga ro mga “walk in” vaccinee hay dapat owa naka-rehistro ag owa naeakip sa kategorya it COVID-19 vaccination program.
Ro inoculation hay maga-umpisa pasado alas-8:00 hin-aga it agahon, Nobyembre 2.
Tanan sigon nga mga taga-Numancia nga naga-edad 18-anyos pataas nga gustong magbaton it bakuna nga himo it AstraZeneca hay mag-adto eamang sa andang gintaeana nga vaccination center partikular sa Numancia Sports and Cultural Center.
Ginakinahang-ean eamang nga magdaea it valid ID, face shield ag ballpen it mga gustong magpabakuna kamana man nga dapat siguraduhon nga busog ukon nakakaon eon antes mag-adto sa venue.
