Posibleng mameligro ro paaeabuton it Libacao College of Science ang Technology (LCST) ukon mas kilaea nga Libacao Community College.
Suno kay Sangguniang Bayan Member Napoleon Navarosa, ku dag-ong 2020 pa nga may mga compliance ro nasambit nga eskwelahan apang gintaw-an raya it chansa nga padayon nga mag-operate bangud nga ginatinguhaan man nga i-comply ro mga kakueangan.
Apang, sa ginpapanaog nga order it Commission on Higher Education Region VI ku Pebrero 9, gin-manduan raya nga mag-pundo sa pagbaton it mga 1st year college student sa tatlong kurso it nasambit nga eskwelahan para sa school year 2026-2027.
Raya sigon hay bangud sa kakueang sa compliance para sa mga posisyon nga guidance counselor, librarian 1, ag plantilla positions, pati eon man sa mga guidelines ag qualifications it tagsa ka mga kurso.
Paathag ni SB Navarosa, nag-himo eon sanda it tatlong posisyon ku buean pa it Agosto it nagtaliwan nga dag-on, gin-aprubahan man raya, apang ro ginatan-aw nga rason it pagka-delay hay ro pagbag-o it liderato sa banwa.// sa pihak kara, ginpasiguro nana nga mabahoe ro chansa nga uman sandang maga-baton it estudyante bangud nga tinguhaan nanda rayang makompleto para nga mabuligan ro mga estudyanteng Libacaonon.
