KALIBO, Aklan—Matapos ro haeos daywang buean nga owa it may nailistang kaso it Coronavirus Disease 2019 ukon COVID-19, uman euman nga nakalista it ap-at ka mga panibag-ong kaso it makamaeatay nga virus ro banwa it Libacao.
Suno kay Dr. Aldrinne Fernandez, Municipal Health Officer it Municipal Health Office ukon MHO-Libacao nga kahapon hay nakabatun it impormasyon ro andang taeatapan kung sa siin nadugangan pa ro andang aktibong kaso.
Sa makarun hay ginahueat pa ro resulta it mga nauna eun nga ginpaidaeum sa swab test samtang ro iba pa hay nakataeana man nga igapaidaeum sa kapareho nga test.
Samtang, amindao man si Dr. Fernandez nga sambilog sa mga naging rason it uman nga pagkalista it kaso it deadly virus sa nasambitan nga banwa hay nagpakampantero publiko ag dugang pa kara nga maabong mga fiesta ag mass gathering nga nagakatabo pag-abot it buena it Mayo.
May kaangtanan kara, uman imaw nga nagpadumdoma publiko mas kapin sa mga pomoeuong libacaonon nga padayun nga magsunod sa ginapatuman nga health protocol agud magapabilin nga euwas sa covid-19.
Engkaso man nga makabatyag it kapareho nga sintomas hay indi pagbalewalaon ag kung indi eun masarangan it home remedy hay mas mayad nga magpatan-aw eun sa doktor.
