Kalibo Aklan ——–Nagapadayon ro follow-up investigation it Libacao Municipal Police Station agud nga matumod ro suspek nga naghimueos ag brutal nga pumatay sa waeong dag-on nga unga nga si Chrisha Nobleza ko Oktubre 24, 2017.
Raya ro ginpahayag ni P/Major Jose Marlon Murallo, hepe it Libacao PNP .
Suno kana nga may ginatumod eon sanda nga mga persons of interest, apang indi pa makapasaka it nagakaigo nga kaso sa korte bangud sa kawad-an it direct witness ag mga mabakod nga ebidensiya.
Sa pihak kara, ginpasiguro ni Murallo nga sigidas ro pagtipon it andang mga tawuhan it Women and Childrens Protection Desk (WCPD) it dugang nga mga impormasyon halin sa mga tawo nga posibleng makatau it mga testimonya nga makabulig sa pagresolba sa kaso.
Samtang, nagapabilin sigon nga intact ro reward money nga masobra sa 100,000 pesos sa lokal nga gobyerno it Libacao para sa sin-o man nga makatau it impormasyon sa pumatay kay Chrisha.
