-- ADVERTISEMENT --
Uman nga gindihon sa Kamara ro proposisyon nga dag-unan nga libreng check-up para sa tanan nga mga Pilipino.
Sa House Bill 430 nga gindihon ni Anakalusugan party-list representative Ray Florence Reyes, tanan nga mga Pilipino hay makabaton it libreng check-up kaibahan ro blood sugar ag cholesterol test.
Igapatuman ro proposisyon sa bulig it Department of Health (DOH) ag Philippine Health Insurance Corporation (PHILHEALTH).
Ko 18th Congress, kaparehong resolusyon man ro gindihon ni dating Anakalusugan Rep. Mike Defensor, nga apisar nga naaprubahan sa ikatlo ag ulihing pagbasa hay owa man natapos it Senado.
