KALIBO, Aklan—Naglunsar it sangka proyekto para sa mga tricycle driver ro businessman nga si Mr. Albert Manalo partikular ro pagtanyag it libreng lamination it vaccination card.
Suno kay Manalo, bukas raya sa tanan nga mga fully vaccinated nga tricycle driver sa bilog nga probinsya it Aklan nga gustong magpa-laminate it andang vaccination card ag vaccination certificate.
Tuyo it proyekto nga mabawasan ro paeas-anon it mga driver agud nga indi eon sanda maggastos pa para sa pagpa-laminate kamana man nga indi maeukot ro andang vaccine card nga eubos nga kinahang-ean sa makaron nga tyempo.
Nasayuran nga may pilang establisyemento ag opisina eon ro nagapatuman it “No vaccine, no entry policy”.
Umpisa sigon nga ginlunsar ro proyekto may daywang dominggo eon ro nakataliwan hay bumuhos ro numero it mga driver nga nag-adto sa andang shop nga nahamtang sa Oyo Torong ibabaw maeapit sa Kalibo Shopping Center.
Ginpahayag dugang nga ugali eon nana ro pagbulig sa ibang tawo bangud mabahoe eon nga bagay ro makabulig maskin sa maisot nga pamaagi.
