Gindagsa it kapin sa 120,000 nga katawo ro sangka stadium sa Douala, ro pinakamabahoe nga siyudad sa Cameroon, agud nga magtambong sa misa ni Pope Leo XIV bilang kaparte it anang ap-at nga nasyong pagbisita sa Africa.
Ginpatigayon ro misa sa Japoma Stadium sa idaeum it hugut nga seguridad. May pilang deboto pa ro nagpataliwan it gabi-i sa guwa it venue agud nga masaksihan it personal ro Santo Papa.
Sa anang gospel, nagpanawagan si Pope Leo sa mga pumueuyu nga likawan ro kinagamo sa pihak it kapigaduhon. Gin-insister pa nana nga may bastante nga manggad para sa tanan kun raya hay igapanupod it tama.
Sa anang pagbisita, ginbatikos man it Santo Papa ro na-eksperyensiyahan nga inequality ag ro impluwensya it gamhanan nga nasyon sa kalibutan.
Nauna eon man nga naging kritikal ro Santo Papa sa pilang lider, kaibahan si U.S. President Donald Trump.
Samtang, padayun nga gina-atubang it Cameroon ro nagkaeain-eain nga problema sa seguridad ag pulitika sa idaeum it pagdumaea ni Cameroon President Paul Biya.
Sa pihak kara, mainit ro pagbaton it mga pumueuyu it Cameroon kay Pope Leo, nga suno sa mga lider it simbahan hay nagatau it pageaum ag inspirasyon sa nasyon.
