KALIBO, Aklan — Libu-libong katawo ro nakisadya sa makulay nga selebrasyon it Sto. Niño Ati-Atihan Festival sa Kalibo, Aklan.
Nagaabot sa 34 nga tribu ag grupo ro nagpakitang gilas sa official judging sa sadsad ukon street dancing contest nga sangka nagapangunang atraksyon it festival nga may kategoryang Tribal Big, Tribal Small, Balik-Ati ag modern group.
Nagpatalbugan ro mga contestant halin sa costume, bilang mga tribe members ag tunog it nagkaeain-eain nga klase it tamboe.
Pilang mga dumueoong nga turista ro napahanga sa festival nga “game” nga nakisadsad ag nagpalitrato sa mga tribu ag grupo.
Nalipay man ro pilang mga overseas Filipino workers ag iba pang mga balikbayans nga pilang dag-on nga uwa naka-uli sa nasaksihang kapistahan.
Buhos man ro mga tawo sa St. John The Baptist Cathedral para sa tradisyunal nga “paeapak”.
Nagapati ro mga deboto nga sa bulig it imahe ni Sr. Sto. Niño nga ginapahaid sa nagkaeain-eain nga parte it eawas hay makabueong sa anumang baeatian ag mataw-an it kahigayunan ro andang ginapangayo.
Kapin sa P1.758 milyon ro gintaeanang premyo para sa mga magadaog nga pormal nga gin-anunsyo sa Kalibo Magsaysay Park.
