BREAKING News — Ginsueod it libu- libong mga pulis ang Kingdom of Jesus Christ ukon KOJC compound sa Davao City pasado alas-3:00 kaina it aga-aga, Agosto 24.
Raya hay agud nga iserbe ro ginpaguwa nga “alias arrest warrant” it Pasig Regional Trial Court kontra kay Pastor Apollo Quiboloy ag sa mga kaibahan kara nga akusado.
Si Quiboloy hay nagapangatubang sa kaso nga child abuse, sexual abuse, ag human trafficking.
Ginpabasa mismo ni Davao Regional Director Police Brig. Gen. Nicolas Torre III sa legal counsel it KOJC nga si Atty. Israelito Torreon ro kopya it warrant of arrest.
Ginpahayag ni Torre nga 2, 000 nga mga pulis ro dueueungan nga nagsueod ag gin-usisa ro sueod it 30 ektarya nga KOJC compound.
Gin-engganyo ni Torre ro legal counsel it KOJC nga sa korte eon lang magreklamo kon sa andang pagtan-aw hay iligal ro andang operasyon.
Nauna eon nga nagpaandam si KOJC Executive Secretary Eleanor Cardona nga magamartsa ro 8 million nga kingdom citizens paagto sa Malacañang kon pagapadayunon it pulis ro pagsulod sa andang compound.
