Michigan, USA – Libu-libong katawo ro nagtipon para sa unang pampublikong rally ni Donald Trump matapos imaw nga barilon sa dueonggan ko nagtaliwan nga dominggo sa Pennsylvania.
Si Trump hay magadiskurso sa Grand Rapids, Michigan kon sa siin temprano nga nagpila ro anang tagasuporta para sa nasambit nga rally.
Umabot sa haeos tatlong milya sa guwa it Van Del Arena ro pila matapos magbukas ro mga pertahan.
Masobra sa daywang oras antes nagsaka sa entablado sanday Trump ag ro bag-o nana nga running mate nga si JD Vance it arena nga may kapasidad nga 12,000 tawo.
Ro mabahaoe nga pagbag-o halin sa nakataliwan nga rally sa Butler, Pennsylvania hay ginpatigayon raya makaron sa sueod it venue nga nagpasugot sa mga security officers nga mabantayan it mayad kon sin-o ro nagasueod ag matapna eagi ro paeag halin sa gwua.
Ro nasambit nga rally hay kasunod it Republican National Convention sa Milwaukee, Wisconsin, kon sa siin ginbaton ni Trump ro nominasyon it anang partido.
