-- ADVERTISEMENT --
KALIBO, Aklan—Gin-inagurahan kaina ro kauna-unahang LGU-owned municipal ag isolation facility sa probinsya it Aklan.
Raya hay ro Ligtas COVID-19 Center it banwa it Lezo nga may 26-individual room facility nga magaserbeng isolation ag quarantine facility sa nasambit nga banwa.
Ro nasambit nga pasilidad hay proyekto it lokal nga gobyerno it Lezo bilang solusyon sa nagapadayon nga pagtaas ko demand para sa quarantine facility ag para magamit ro andang limitadong resources sa baylo nga magrenta pa it hotels kon may andang igapaidaeom sa isolation ukon iga-quarantine.
-- ADVERTISEMENT --
Ro banwa it Lezo hay nakalista it limang kaso it coronavirus disease ukon Covid-19 nga tanan hay eubusan eon nga nakarekober halin sa nasambit nga sakit.
