Mahilig baea kamo sa mga maaeat nga pagkaon.
Ro sobrang asin sa pagkaon hay nagapataas it blood pressure.
Ro pagbawas man it asin sa diet hay nagapanaba it blood pressure.
Dapat kunta hay sangka kutsaritang asin eang ukon mas sangkiri pa ro makaon it sangka tawo sa kada adlaw.
Mas sangkiri pa kara para sa mga maisot nga unga.
Ro sangka kutsaritang asin hay mga 6 grams it sodium chloride, ag raya hay may sueod nga 2.4 grams it sodium.
Paalin nga mabawasan ro asin sa atong pagkaon?
Boe-on ro asin, patis, toyo, uga ag dayok sa lamesa.
Pwede raya nga gamiton sa pag-eaha agud nga magkalasa ro pagkaon apang pag-abot sa lamesa hay indi eon pagdugangan pa.
Pwedeng gumamit it herbs, simuyaw ukon eanggaw sa pag-eaha.
Magkaon it preskang isda kaysa sa mga isdang gin-obra nga ibis ukon baeoe.
Likawan man ro mga ham ukon bacon.
Maglikaw sa mga canned goods bangud nga maaeat man ro mga raya.
Maglikaw sa pagkaon it mga chips ag instant noodles bangud nga maabu raya nga sodium.
Basahon ro nutrition label.
Low salt nga makabig kun 0.3 g salt ukon 0.1 g sodium ukon mas manaba pa ro sueod sa kada 100 g it pagkaon.
