-- ADVERTISEMENT --
KALIBO, Aklan—Uman nga nagpadumdom ro Bureau of Fire Protection (BFP)-VI sa publiko nga likawan ro pagbakae it mga pekeng kagamitan nga pagagamiton bilang dekorasyon sa nagahilapit nga Paskwa kapareho it mga paiwag ukon Christmas lights agud nga makalikaw sa sunog.
Ginlaygayan man kara ro mga pumueoyo nga magbakae eamang it Christmas lights nga may sticker it Import Commodity Clearance (ICC) para masiguradong standard ag bukon it peke ro ginbakae nga produkto.
Natueopangdan nga mas mataas ro presyo it mga Christmas lights nga may ICC sticker kumpara sa ibang kaparehong dekorasyon apang ginpasigurado man kara nga mas euwas rayang gamiton.
