KALIBO, Aklan — Nagtapos eon kahapon nga adlaw it Biyernes, Nobyembre 22 ro distribution it cash assistance sa mga pamilyang naapektuhan it bagyong Ursula sa banwa it Kalibo may limang dag-on eon ro nagtaliwan kun sa siin ro andang mga baeay hay nagkaeasamad.
Raya ro ginkumpirma ni Jay-ar Arante, head it media team it LGU Kalibo.
Suno kana nga naging maayos ag madasig ro pagpanupod it ayuda sa idaeum it Emergency Housing Assistance it National Housing Authority (NHA) .
Masobra sa 16,000 nga pamilya halin sa 16 nga barangay ro nagbaton it ayuda nga nagabalor it P5,000 para sa mga baeay nga nakaangkon it partially damage.
Ro NHA , kaibahan ro DSWD ag LGU ro nag evaluate ag nag validate sa mga nagkaeasamad nga baeay.
Kapin sa P80 milyon ro gintaeana nga pondo para sa limang adlaw nga pay out kun sa siin sa barangay Poblacion hay nakalista it kapin sa 1,000 nga mga beneficiaries .
