Ginpabugae it Bangko Sentral ng Pilipinas (BSP) ro sambilog sa manami nga kina-iya it bag-ong P1,000 pesos nga polymer banknote nga nagapakita it pagiging mas matibay it bag-ong kwartang papel.
Gin-describe it BSP, washable ukon pwedeng hugasan ro mga bag-ong P1,000 peso bill nga makakabawas sigon sa transmission it virus ag makabulig sa paglikaw sa COVID-19.
Suno kay BSP Deputy Governor Mamerto Tangonan, bangud nga himo sa plastik ro mga polymer banknotes nga ginpaguwa it bangko sentral, matibay ag indi basta-bastang masamad maskin nga hugasan pa ro mga raya.
Sa pihak kara, ginpaathag ni Tangonan nga environment friendly man ro bag-ong sanglibong piso sa nasyon bangud nga puro mga recyclable materials ro gingamit sa pag obra kara.
Dugang pa ni Tangonan, ro mga gingamit nga materyales sa pag obra it mga P1,000 peso polymer banknotes hay gina-obra man sigon nga mga recycled nga lamesa, pungkuan ag maskin ro mga construction materials rason nga owa it uyang ro bag-ong one thousand peso banknotes maskin nga raya hay maluma.
Gin-insister pa kara nga limang beses sigon nga mas matibay ro ginpaguwa nga mga polymer banknotes kaysa sa mga lumang kwartang papel rason nga makatipid man ro gobyerno sa pag obra it mga raya
