KALIBO, Aklan—Ginkumpirma ni Kalibo mayor Emerson Lachica nga limang empleyado it Municipal Social Welfare and Development (MSWDO) ro nagpositibo sa COVID-19.
Suno kana nga temporaryong gin lockdown ro nasambit nga taeatapan agud nga ipaidaeum sa maid-id nga disinfection.
Gindugang pa it alkalde nga magapatawag imaw it emergency meeting kaibahan ro mga executive department pinaagi sa zoom agud nga maistoryahan ro mga stratehiyang posibleng gamiton kasunod it nagatinaas nga numero it mga empleyado it munisipyo nga natapnan it coronavirus.
Sa pihak it suhestiyon ni sangguniang bayan member Augusto Tolentino nga ipasarado anay it ap-at hasta limang adlaw ro munisipyo, matsa bukon it pabor kara ro alkalde bangud nga indi nana gusto nga maapektuhan ro andang operasyon.
Bukon man imaw it pabor sa work from home arrangement.
Sa pihak nga parte, ginkumpirma dugang ni mayor Lachica nga tapos eon ro andang ginpa-obra nga dugang nga quarantine facilities sa evacuation center sa Brgy. Tigayon, Kalibo.
Engkaso suno kana nga magnaba eon ro kaso it covid 19 sa Kalibo hay igasaylo nanda ro mga pasyente kara sa baylo nga sa sangka hotel agud nga mapahagan-hagan ro gastos it munisipyo.
