KALIBO, Aklan—Nagpaathag ro National Grid Corporation of the Philippines (NGCP)-6 angot sa na-eksperyensyahan nga maeapnagon nga unscheduled power interruption bandang alas-3:20 kahapon sa probinsya it Aklan.
Suno kay Michille Visera, tagapaghambae it NGCP-6 nga nakaangkon it problema ro andang 69KV line partikular sa Brgy. Buenavista, Ibajay kung siin apektado kara ro ap-at ka mga substation it Aklan Electric Cooperative (Akelco).
Ginapahayag nga may nabuoe nga wire sa linya it NGCP rason nga naghina ro boltahe ag nakaangkon it gulpiyadang power interruption.
Insigida man sigon nanda nga gin-aksyunan ro problema para maibalik ro suplay it kuryente sa mas madali nga tyempo.
Ginpasiguro man ni Visera nga 24/7 nga bukas ro taeatapan para magsabat engkaso nga makaangkon it kaparehong insidente.
