Kalibo Aklan ———–Ginpasiguro ni incumbent Aklan 1st District Sangguniang Panlalawigan Member Nemesio Neron nga indi eon makaangkon pa it pagbag-o ro linyada it mga kandidato it Tibyog Akean sa banwa it Banga hasta sa Nobyembre 15 nga deadline it period of substitution.
Raya hay matapos nga maabu sa gihapon ro nagakumbinsi kana nga magpadaeagan bilang alkalde it banwa .
Suno kay Neron nga hugut nanda nga ginasunod ro desisyon it andang partido kun sa siin ro andang opisyal nga kandidato sa pagka-Mayor sa Banga hay si incumbent Vice Mayor Noel ‘boy’ Redison ka-tandem si incumbent Banga Mayor Erlinda Maming.
Tuyo sigon pag sanib pwersa ni 1st District incumbent Congressman Carlito Marquez nga makaangkon it unity agud nga madali nga masuk-ean ag makabangon sa ginapangatubang nga COVID-19 pandemic.
