KALIBO Aklan–Ginaeauman nga mas pang magasaka ro popularity it hampang nga soccer sa Amerika matapos ro pagsaylo ni Lionel Messi sa Major League Soccer side nga Inter Miami bilang sangka free agent.
Raya hay kasunod it anang paghalin sa French champions nga Paris St Germain ag pagbalibad sa sangka mabahoe nga offer nga kontrata sa Saudi Arabia.
Suno kay Bombo International Correspondent Greg Aguilar nga ro kasikatan ni Messi hay maikumpara kay Michael Jordan sa patag it basketball.
Dugang pa nga makabig imaw nga best player sa bilog nga kalibutan sa kasaysayan it soccer.
Sa makaron ro soccer sigon hay pang lima ukon no. 6 spot sa mga sikat nga sports sa US nga ginapangunahan it basketball.
Si Messi ro nagpanguna sa Argentina sa World Cup glory sa Qatar ko Disyembre ag nakabo-oe it record nga pitong Ballon d’Or awards, hay nagdaog it League 1 title sa anang daywang season sa PSG kamana man sa French Super Cup ko 2022.
