KALIBO, Aklan–Hugot nga ginmandu it Commission on Elections sa bilog nga nasyon ro pagpatuman it liquor ban umpisa sa Mayo 8 hasta sa Mayo 9, 2022.
Ginpahayag ni PMAJ. Willian Aguirre it Provincial Intellegence Unit it Aklan Police Provincial Office (APPO) nga haum eon ro katapo it kapulisan para sa pag-implementar it nasambit nga mandatu it COMELEC.
Ginabawaean man sigon ro pag-display ag pagbaligya it mga aeak sa sueod it mga nasambit nga petsa.
Ro sin-o man sigon ro madakpan nga padayon sa pagbaligya it aeak hay magapangatubang man sa nagakaigo nga penalidad raya hay sandig sa Omnibus Election Code nga pagbaligya it makahieiong nga ieimnom sa idaeom it ginapatuman nga liquor ban.
Suno pa kay Aguirre nga pagkakulong ag nagakaigo nga penalidad ro pangatubangon it sin-o man nga madakpan nga nagbayolar sa liquor ban.
Samtang, ginbawaean man ro tanan nga klase it pagpangampanya partikular ro pagsuksuk it kaeo, printed t-shirt ag iba pang bagay nga may itsura ukon pangaean it sangka pulitiko.
Sa pihak nga parte, haum eon man ro katapo it mga kapulisan para sa andang election duties.
