KALIBO, Aklan — Aminado si Rowen Aguirre it Office of the Mayor it LGU-Malay nga maabo sa mga resort ag hotel owners sa isla it Boracay ro pasaway dahilan it environmental crisis sa isla.
Gin halimbawa ni Aguirre ro mga negosyanteng nakapatukod it building nga owa it Environmental Compliance Certificate (ECC), owa naka-konekta sa sewerage line, samtang ro iba hay iligal nga naka-konekta sa drainage system ag nag eabag sa 25+5 meter easement maghalin sa baybayon.
Samtang, depensa ni Aguirre nga umpisa nga magdumaea ro administrasyon ni Malay Mayor Ceciron Cawaling ku 2016 hay inaksyunan eon nanda ro waea-tuong problema sa isla, apang, temporaryong nauntat ku nagtaliwan nga dag-u matapos nga maubos ro andang pondo.
Gin pahayag dugang pa kara nga kaabuan sa mga istrakturang nakatukod sa wetlands hay may gina buytang dokumento dahilan nga mabudlay ipatuman ro order of demolition ag closure order.
Gin pamilit ni Aguirre nga bukon it patas sa mga resort ag hotel owners nga nagatuman sa kasuguan engkasong ipasarado ro bug-os nga isla sa sueod it daywang buean.
