Kalibo,Aklan- Nagpamalibad si Brgy. Captain Ramon Yrel Teodosio it Brgy. Jugas, New Washington, Aklan nga sanda sa barangay hay may kasayuran kun paano nagkalistahan ukon uwa man kanda nag-agi ro listahan it mga benepisyaryo it ayuda nga P10,000 para sa mga mangunguma, mangingisda ag may livestocks nga apektado ukon nasunugan kat El Niño.
Nagguwa nga ap-at eamang ro benepisyaryo sa nasambitan nga barangay apang ginklaro it kapitan nga tanan man ruyon hay nagakalisod. Panindugan it kapitan ag konseho nga uwa it nag-adto nga taga Department of Agriculture sa andang barangay. Pagduda it kapitan nga basi uwa man nagreport ro ibang mga naapektuhan bangud nga bisan sigon sa andang barangay hay uwa man ro mga raya nagareport .
Pahayag nana nga basi uwa eun it masunod nga ayuda bangud raya hay nagcut-off eun sigon. Samtang, suno man kay Marlon Jimenez ro Presidente it Association of Jugas, New Washington nga ku ulihing cropping hay ginpangayuan sanda it DA it kasamaran it drought ag army worm.
Ngani sanda hay nagpasa it mga litrato it mga naapektuhan kun sin-o eamang ro nag-apply sa barangay. Apang, ginklaro nana nga uwa sanda it ideya sa ginapangayo sa apektado it El Nino. Suno man kay Jimenez nga ro mga nagpasa man ku unang mga apektado it drought hay rato man ro nakabaton it P10,000 para sa kasamaran makaron angot sa El Niño.
