Kapin sa 2 bilyon pesos ro ginpaguwa nga pondo it gobyerno para sa mga apektado it krisis.
Suno sa Department of Budget and Management ukon DBM, ro pondo it publiko hay dapat nga panipuslan man it publiko eabi eon sa oras it peligro.
Ro anuman nga ayuda hay mabahoe nga bulig para sa mga una sa aeang-aeang nga sitwasyon tuga it nagkaeain-eain nga problema.
Pinaagi sa Assistance to Individuals in Crisis Situation (AICS) forms nga kaparte it Protective Services for Individuals and Families in Difficult Circumstances program, mataw-an it financial assistance para sa transportation, medical, burial, food ag iba pang support services ro atong mga kababayan.
Base sa listahan ko June 30, 2022, naga-abot eon sa 1.5 milyong kliyente ro nataw-an it ayuda pinaagi sa AICS program.
Eampas pa raya sa annual target nga 1.4 milyon.
Kapin sa 642,348 kliyente pa ro target nga mataw-an it ayuda makaron nga 2022.
Samtang ginataw-an it prayoridad it gobyerno ro pagbulig sa mga vulnerable ag disadvantaged sectors, nagakadapat eang nga maagto gid man ro bulig sa mga eubus nga nagakinahangean.
Ag sa mga makabaton it bulig, gamiton naton raya sa tama, sa kinahangeanon it atong pamilya ag bukon it sa bisyo.
Tama eamang nga maging bukas sa publiko ro listahan it mga nataw-an it ayuda agud nga owa it isyu ag agud nga masayuran nga may gina-agtunan ro atong tampad nga pagbayad it buwis.
Sa uman, magpasaeamat kon may ayuda.
Magbulig kon may ikasarang ag magtinguha agud nga maging mas haum sa tunga it krisis.
