KALIBO, Aklan— Ginkwestyon it pilang bussiness establishment owners sa Isla it Boracay ro inter-agency task force kon anu ro andang naging basehan sa ginpaguwang mga compliant list it mga hotels ag resorts nga pasugtang makag-operate sa uman nga pagbukas it Isla sa Oktubre 26.
Suno sa sangka bussiness owner nga nagpamalibad nga magta-o it pangaean, eubus sigon raya nga nakibot bangud ro pila sa mga raya hay kaibahan pa nana nga naga-proseso it iba pang mga requirements agud mataw-an it accreditation it Department of Tourism (Dot).
Kaeabanan sigon kara hay nakaangkon eamang it certificate of compliance halin sa Department of Environment and Natural Resources (DENR).
“Unfair” sigon sa iba pang bussiness owners nga nagakumahog nga makaabot sa Boracay reopening.
“Pressure” sigon sa andang bahin ro ginpaguwang listahan it ahensya kon siin ginareklamo pa nanda sa makaron ro pabag-o bag-ong guidelines kapin eon sa pag-install it Sewage Treatment Plant (STP).
Nasayuran nga sa pinakaulihing listahan nga ginpaguwa it Boracay Inter-agency task force, nag-abot eon sa 115 establishments nga may kabilugang 5, 365 total number of rooms ro nakapag-secured it mga necessary clearances, permits ag iba pang requirements nga pagapasugtang makadungan sa re-opening it “new” Boracay.
