KALIBO, AKLAN — Gin pakalhit sa Caticlan jetty port ag mga matawong lugar sa isla it Boracay ro litrato it mga wanted nga Maute terror group.
Suno kay Caticlan jetty port administrator Niven Maquirang, kaparte raya it gin hugtan nga security measure kasunod it gin deklarang martial law sa Mindanao.
Mag eowas kara, naga abot sa 55 nga indibidwal ro gin paidaeum sa background check it kapulisan nga nag-evacuate sa Boracay maghalin sa Marawi City.
Kaabuan sigon sa mga raya hay naga bakasyon eamang sa andang mga paryenti nga may negosyo sa isla.
Naga pabilin man nga naka-alerto ro mga pulis sa lugar katuwang ro iba pang natungdan nga ahensiya it gobyerno agud malikawan nga makasueod ro mga teroristang grupo.
Nakabantay 24/7 ro mga pulis, suldado, SWAT team, Philippine Navy, Philippine Coast Guard, ag k-9 units sa mga natumod nga weak spots sa Boracay.
