KALIBO, Aklan–Pormal eun nga nag-umpisa makarun nga adlaw ro local absentee voting para sa mga katapo it kapulisan sa probinsya it Aklan.
Suno kay PSSgt. Jane Vega, tagapaghambae it Aklan Police Provincial Office ukon APPO nga puweding magboto ro mga katapo it kapulisan sa probinsya umpisa alas-8 it agahon hasta alas-5 sa hapon umpisa makarun nga adlaw ag magabuhay raya hasta it tatlong adlaw.
Ginapahayag nga kapin sa 301 ka mga katapo it kapulisan ro nakataeanang magboto sa tatlong adlaw nga gintaeanang local abesentee voting.
Kaabuan sa mga puweding mabotohan sa absentee voting ro mga una eamang sa national position.
Nasayuran nga ginataw-an it kahigayunan ro mga katapo it kapulisan ag iba pang mga empleyado it gobyerno nga makapagboto it timprano para makatao it serbisyo sa publiko sa mismong adlaw it eleksiyon kapareho it PNP nga nakataeana para sa seguridad.
