Nag-anunsyo ro local air carriers it pagpanaba sa pamasahe sa eroplano umpisa sa masunod nga buean.
Raya hay matapos nga panabaan it Civil Aeronautics Board (CAB) sa level 7 ro fuel surcharge kara ko Enero.
Suno kay Cebu Pacific Chief Commercial Officer Xander Lao, makabulig ro nasambit nga development sa pagsabat sa mataas nga demand sa air travel.
Ginpahayag man ni AirAsia Philippines Spokesman Carlo Carongoy nga mabahoe raya nga bulig agud nga malikawan ro pagkalugi it airlines sa atubang it paghina it piso ag sa pagtaas it haega it aviation fuel.
Sa parte man it Philippine Airlines, ginpahayag ni PAL Spokesman Cielo Villaluna nga sa pagnaba it pamasahe sa eroplano, makaangkon it tiyansa ro mas maabung pasahero agud nga makapag-explore sa nagkaeain-eain nga lugar.
Raya hay sa atubang it pagbukas nanda it mga ruta.
