KALIBO, Aklan—Gina-istoryahan eun makarun it Local Inter-agency Task force nga magpatigayon it massive testing sa Purok 1, C. Laserna St., Brgy. Poblacion, Kalibo.
Suno kay Liga ng mga Barangay President Ronald Marte nga raya ro ginsuhestiyon ni Aklan Governor Florencio Miraflores sa andang ginapatigayon nga hinun-anon kaibahan ro tanan nga miyembro it local IATF.
Ro nasambit nga tikang hay agud malikawan ro pagkalhit pa it makamaeatay nga sakit nga coronavirus disease ukon COVID-19 sa nasambitan nga lugar.
Sa pihak kara, sigidas man ro ginahimo nga monitoring it Kalibo PNP, contact tracers ag Barangay Health and emergency Response team ukon BHERTs agud matumod kung sanday sin-o pa ro may close contact sa mga pasyenteng nagpositibo sa makamaeatay nga virus.
