NATIONAL News — Ro local pancit canton kalamansi flavor hay naeakip sa prestihiyosong “Best Instant Noodles 2025” list it The New York Times.
Sa sangka artikulo ko Enero 2025 nga na-publish sa andang Wirecutter section, ginakabig ro pancit canton brand bilang sambilog sa mga standout sa citrusy ramen category.
Kaibahan kara ro mga sikat nga international brands kapareho it Thai Mama’s Shrimp Tom Yum Noodles.
Suno kay Marilyn Ong, supervising editor it New York Times, ro Pancit Canton Kalamansi ro pinakamadasig nga naubos sa andang testing.
Gin-describe pa it artikulo ro noodles bilang “bright and citrusy plus homey and comforting all at once.”
Gindayaw man sa artikulo ro kakaibang timpla it dry seasoning, soy sauce, ag oil packets, nga nagatau it light soy ag preskang citrus flavor.
Ginmitlang man nga ro mga noodles hay “mas manipis ag mas curly kaysa sa mga ordinaryong instant noodles,” rason nga nakaangkon raya it “fluffy” nga pamatyagan.
Ro listahan hay ginhimo halin sa opinyon it sangka panel it mga eksperto, kaibahan ro mga author it cookbook, mga reviewer it ramen, ag mga tag-ana it ramen shops.
Ginpili man it editorial team it Wirecutter ro andang mga paboritong noodles pinaagi sa andang kaugalingon nga taste test.
