Todo pasaeamat si dating AFP chief of staff ag ret. Gen. Jose Faustino kay President-elect Ferdinand Marcos Jr. nga imaw ro napili nga magasunod nga lider sa Department of National Defense (DNP) para paga-islan si outgoing Secretary Delfin Lorenzana.
Magaserbi anay nga OIC si Faustino bangud ro one year ban kana bilang bag-o eamang nagretirong opisyal it AFP hay asta pa sa buean pa it Nobyembre.
Ginpahayag ni Faustino nga ro maging prayoridad nana hay kung ano ro handum nga maging polisiya it commander-in-chief nga igasandig man ag padayunon ro manami nga programa it anang paga-islan.
Nagapati man ro masunod nga Defense chief nga nagapanguna sa gihapon nga sangka security threat sa nasyon hay ro local terrorist groups ag communist terrorist group ag ro isyu sa agawan it teritoryo.
Ginklaro man ni Faustino, nga tumadok it Itogon, Benguet ag nag-eagko sa Bulacan, nga bukon man sanda it magkakilaea ni incoming President Marcos ag bag-o eamang sigon sanda nagkilaea matapos nga imaw hay nagretiro ku nagtaliwan nga buran it Nobyembre 2021.
