Kalibo Aklan —-Bangud sa pag-angkon it local transmission it coronavirus disease (COVID-19) sa Bermuda, mas pang ginhugtan it gobyerno ro ginapatuman nga lockdown .
Suno kay Bombo International Correspondent Kenneth Susano, tubong Poblacion Banga ag presenteng nagatrabaho sa Bermuda nga sang milya eamang halin sa andang gina-istaran ro limit nga pwede nanda nga agtunan .
Ginpahayag dugang nga grabeng adjustment ro andang ginahimo makaron bangud nga owa sanda nasanay sa presenteng routine nga kain-tulog kumpara dati nga baeay-trabaho .
Paborito sigon nanda nga past time makaron ro pagpamunit bangud nga ro Bermuda hay sangka Isla .
Gustuhon man sigon nanda nga mag-uli, apang ro pwede eamang nanda nga agyan nga New York ag London hay puro lockdown man bangud sa kaabuon it numero it kaso it makamaeatay nga sakit .
Nagakabangat man sigon sanda sa andang pamilya sa Pilipinas, apang gina-isog eon lang nanda ro andang buot.
Samtang, kumpara sa Pilipinas, bukon it masyadong apektado ro mga residente sa Bermuda bangud nga ro andang income hay sobra sa andang kinahangean bukon it kapareho sa nasyon nga ro ginakita hay husto eamang sa sang adlaw nga pangkaon .
Nasayuran nga ro Isla hay ginpaidaeum sa lockdown hasta sa mayo 2.
May ginatau sigon nga unemployment financial assistance pinaagi sa embahada it Pilipinas sa Bermuda para sa mga OFW’s, apang owa pa nanda nabaton hasta makaron bangud nga limitado eamang ro pondo.
