Kalibo Aklan —– Ginpaeawig pa it gobyerno it Singapore hasta sa buean it Hunyo ro naga-iral nga lockdown.
Raya hay kasunod it sigidas nga pagtinaas it kaso it mga natamaan it 2019 coronavirus disease (COVID-19).
Suno kay Bombo International Correspondent Genalyn Remetio, hasta eon lang kungta sa Mayo 4 ro lockdown sa nasyon apang ginpaeawig raya it gobyerno agud taw-an it kahigayunan ro mga health authorities nga daeayon masuk-ean ro pandemya.
May kaangtanan kara, ginlaygayan sanda nga magpabilin sa tagsa ka panimaeay kon sa siin ro madakpan nga maga-eabag sa ginapatuman nga polisiya hay posibleng magmulta it kapin sa 300 Singaporian Dollars.
Ginpahayag dugang ni Remetio nga may mga hospital eon nga nagabalibad sa pasyente rason nga ginpakamayad it anang amo nga makaangkon it kaugalingon nga test kits agud nga masayuran gilayon kon COVID-19 eon ro sakit it mga raya engkaso nga makaangkon it sintomas nga ginaangot sa makamaeatay nga virus.
Haeos tanan suno kana hay nagahaeong bangud nga punuan eon ro mga ospital sa nasambitang nasyon.
