KALIBO, Aklan — Padayon nga ginapamaeabagan it lokal nga gobyerno it Aklan ag LGU-Malay ro rekomendasyon it inter-agency task force nga haeos sang dag-on nga pagpasarado sa Isla it Boracay agud mapadasig ro rehabilitasyon.
Sa ginpatigayong paghinun-anon ko adlaw it Sabado, ginpahayag ni Governor Florencio Miraflores nga nakaabot eon sigon kay Pangueong Rodrigo Duterte ro rekomendasyon nga ginbilog it Department of Environment and Natural Resources (DENR), Department of Tourism (DoT) ag Department of Interior and Local Government (DILG).
Ginapahayag nga pabor ro pangueo sa rekomendasyon ag ro pormal nga anunsyo eon lang kara ro ginahueat.
Gusto man it mga stakeholders nga ma-publish sa mga pahayagan ro andang apela.
Aminado ro mga opisyal sa andang naging kakueangan nga naging rason it problema makaron sa isla.
Masarangan sigon nandang limpyuhan ro isla sa sueod it tatlo hasta an-om nga buean basta eon lang raya pag-ipasarado.
Nagpanindugan ro mga stakeholders kapin eon ro mga maisot nga negosyante ag trabahador nga direktang maapektuhan it rekomendasyon.
Kadungan kara, ginhinyo ni Miraflores ro suporta it mga gobernador ag kongresista sa Region VI para mapabaskog ro andang apela.
