Ginakahangaw-an makaron it lokal nga gobyerno it Malay kon ham-an it ginapabahoe ro isyu sa ginatos ka mga sinkholes nga nadiskubrehan sa isla it Boracay.
Suno kay Punong Barangay Nixon Sualog it Brgy. Manocmanoc, Boracay nga may mga national media nga nagpadueong sa andang barangay agud nga mag-imbestiga angot sa nasambit nga isyu.
Ginpaathag kara nga uwa pa it final study nga gintao kanda ro Department of Environment and Natural Resources-Mines and Geosciences Bureau (DENR-MGB) Region 6 rason nga inde dapat pagpukusan ro nasambit nga balita.
Ginakabaeak-an nanda makaron nga base mabahoe ro maging epekto kara sa mga turista bangud sa nagkaeain-iean nga news article nga nagaguwa parte sa isla it Boracay.
Ko 2018 suno kana hay ap-at ka sinkholes eamang ro naidentified sa andang barangay ag raya hay may red markings eon partikular sa ginpatindog nga eskwelahan rason nga uwa nadyon ro plano it DPWH nga daywang grado nga edipisyo.
Mas makamayad sigon nga magpokus eon lang ro DENR sa isyu sa basura agud nga inde mabansagan it uman nga mahigko ro isla nga naging rason it temporaryong pagpasarado kara ni dating Pangueong Rodrigo Duterte.
