Lokal nga gobyerno it Nabas ginpasiguro ro madasig nga pagtao it pagtaeopangod sa mga serye it landslide

Kalibo, Aklan-Ginpasiguro it lokal nga gobyerno it Nabas ro madasig nga pagtao it igtaeopangod sa mga serye it landslide partikular sa national highway it nasambit nga banwa.

Nagapati si Nabas Vice Mayor James Solanoy nga kinahang-ean ro madasig nga pagtrabaho it contractor partikular sa pagbutang it lambat sa nabukid nga porsyon sa kilid it national highway sa Brgy. Gibon ag Habana para sa kaeowasan it mga byahero.

Mag-eowas kara, naglatag sanda it safety measure para masigurado ro kaeuwasan it tanan nga naga-agi sa nasambit nga lugar eabi eon sa tyempo it tag-uean.