Kalibo Aklan ———-Nagpatigayon it programa ro lokal nga gobyerno sa probinsya it Aklan bilang pagdumdom sa ika-125 nga anibersaryo it 19 Martires it Aklan.
Una sa nasambitan nga aktibidad ro presensiya it Armed Forces of the Philippines (AFP), Philippine National Police (PNP), lokal nga opisyal it banwa it Kalibo kamana man ro mga opisyalis it gobyerno probinsyal.
Kaina mga bandang ala-5 it agahon hay nagpatunog it andang mga lingganay ro tanan nga mga simbahang Katoliko sa probinsya.
Samtang, bandang alas-8 hasta alas-9 it agahon hay nagpatigayon it misa sa pagdumdom ag paghaead it bueak sa Kalibo Cathedral.
Naghaead man sanda it mga bueak sa shrine nanday General F.Castillo ag iba pang ka mga bagahinan.
Nasayuran nga ro nasambitan nga aktibidad hay bilang pagtao man it pagkilaea sa 19 Martires nga nagbuhis it andang kabuhi para sa nasyon ko Marso 23, 1897 .
Ro mga raya hay ginkilaea kanday Roman Aguirre; Tomas Briones; Dominggo Dela Cruz; Claro Delgado; Angelo Fernandez; Simon Inocencio; Catalino Manggad; Lamberto Manggad; Valeriano Masinda; Maximo Mationg ag Simplicio Reyes nga puro maghalin sa banwa it Kalibo.
Samtang ro lima nga taga-banwa it New Washington hay ginkilaea man kanday Valeriano Dalida; Isidro Jimenez; Canoto Segovia; Gabino Sucgang ag Francisco Villorente.
Ro tatlong iba pa nga tumandok man it Malinao hay sanday Benito Iban; Candido Iban ag Gabino Yunsal.
