Lokal nga produkto it mga panakot ag tinuean-on, uwa pa it paghueag sa presyo sa Kalibo public market

KALIBO, Aklan—Nagapabilin nga uwa it paghueag sa presyo sa lokal nga produkto it pilang mga panakot ag tinuean-on sa Kalibo Public Market.

Raya hay maskin nga sigidas ro pagtinaas it produktong petrolyo nga resulta gihapon it kinagamo sa tunga it Russia ag Ukraine.

Suno sa mga vendor, kinahang-ean nga tangkilikon ro kaugalingon nga produkto agud nga parehong makabenipisyo ro tanan sa tunga it krisis nga naeksperyensyahan.

Ginsuhestyon man it mga raya nga inde magbakae it produktong imported bangud nga siguradong may pagtaas eon kara ro presyo bangud man sa transportasyon nga eubus nga apektado it mataas nga presyo it langis.